मानिकराव खुळें अरबी समुद्र आणि बंगालच्या उपसागरात एकाचवेळी दोन कमी दाबाचे क्षेत्र सक्रिय; कोकण, मध्य महाराष्ट्र आणि मराठवाड्यात जोरदार पावसाची शक्यता, विदर्भातही पावसाची हजेरी.
विशेष प्रतिनिधी, पुणे:
राज्याच्या हवामानावर एकाच वेळी दोन मोठ्या सागरी प्रणालींचा प्रभाव पडत असल्याने, शुक्रवारपासून (२४ ऑक्टोबर) पुढील पाच दिवस, म्हणजेच मंगळवार (२८ ऑक्टोबर) पर्यंत, उत्तर विदर्भ वगळता संपूर्ण महाराष्ट्रात गडगडाटासह मध्यम ते जोरदार पावसाची शक्यता निर्माण झाली आहे, असा अंदाज भारतीय हवामान खात्याचे जेष्ठ सेवानिवृत्त हवामान तज्ञ माणिकराव खुळे यांनी वर्तवला आहे. या काळात नागरिकांनी आणि विशेषतः शेतकऱ्यांनी सतर्क राहण्याचे आवाहन त्यांनी केले आहे.
दोन कमी दाब क्षेत्रांचे दुहेरी संकट
सध्या महाराष्ट्रावर पावसासाठी अत्यंत पोषक वातावरण तयार झाले असून, यामागे दोन प्रमुख कारणे आहेत:
-
अरबी समुद्रातील तीव्र कमी दाबाचे क्षेत्र: पूर्व-मध्य अरबी समुद्रात, मुंबईच्या नैऋत्येला सुमारे ५७० किलोमीटर अंतरावर असलेल्या कमी दाबाच्या क्षेत्राचे रूपांतर आता तीव्र कमी दाबाच्या क्षेत्रात (Well-marked low-pressure area) झाले आहे. ही प्रणाली पुढील पाच दिवसांत हळूहळू उत्तर आणि ईशान्य दिशेने सरकणार आहे. तिच्या प्रभावामुळे कोकण आणि मध्य महाराष्ट्रात मोठ्या प्रमाणात बाष्प खेचले जाऊन जोरदार पावसाची शक्यता निर्माण झाली आहे.
Ads×कॉल करा₹ किंमत पहाखरेदी करा -
बंगालच्या उपसागरातील नवीन प्रणाली: त्याचवेळी, आग्नेय बंगालच्या उपसागरात तयार झालेले कमी दाबाचे क्षेत्र उद्यापर्यंत मध्य बंगालच्या उपसागरात सरकून तीव्र कमी दाबाच्या क्षेत्रात रूपांतरित होण्याची शक्यता आहे. या प्रणालीमुळे दक्षिण भारतासह महाराष्ट्रातही पावसाचे पुनरागमन होत आहे.
Ads×कॉल करा₹ किंमत पहाखरेदी करा
तारीखनिहाय पावसाचा जिल्हानुसार अंदाज
-
२५ ऑक्टोबर: नाशिक, जळगाव, अहमदनगर, पुणे, सातारा, सांगली, सोलापूर, छत्रपती संभाजीनगर, जालना, बीड, लातूर, अकोला, बुलढाणा, चंद्रपूर.
Ads×कॉल करा₹ किंमत पहाखरेदी करा -
२६ ऑक्टोबर: मुंबई, नाशिक, खान्देश (जळगाव, धुळे, नंदुरबार), अहमदनगर, पुणे, सातारा, कोल्हापूर, छत्रपती संभाजीनगर, नांदेड.
-
२७ ऑक्टोबर: धुळे, मुंबई, नाशिक, खान्देश, अहमदनगर, पुणे, सातारा, कोल्हापूर, छत्रपती संभाजीनगर.
-
२८ ऑक्टोबर: पुणे, सातारा, कोल्हापूर, सांगली, रायगड, रत्नागिरी, नांदेड.
सर्वाधिक प्रभाव कुठे जाणवणार?
या दोन्ही प्रणालींच्या एकत्रित प्रभावामुळे मुंबई, रायगड, रत्नागिरी, सिंधुदुर्ग, धुळे, जळगाव, नाशिक, पुणे, सातारा, सांगली, कोल्हापूर, सोलापूर, छत्रपती संभाजीनगर, जालना, बीड, धाराशिव, लातूर, नांदेड, अकोला, बुलढाणा आणि चंद्रपूर या जिल्ह्यांमध्ये पावसाचा प्रभाव सर्वाधिक जाणवणार आहे.
शेतकऱ्यांसाठी सूचना
पुढील पाच दिवस पावसाचे वातावरण राहणार असल्याने, काढणीला आलेल्या खरीप पिकांचे नुकसान टाळण्यासाठी शेतकऱ्यांनी तातडीने उपाययोजना कराव्यात. कापणी केलेला शेतमाल सुरक्षित ठिकाणी झाकून ठेवावा आणि रब्बीच्या पेरणीचे नियोजन करताना हवामानाचा अंदाज लक्षात घ्यावा, असे आवाहन माणिकराव खुळे यांनी केले आहे.
